Zavodun istehsal etdiyi yüksək təzyiqə davamlı avadanlıqlar həm keyfiyyəti, həm də etibarlılığı ilə seçilərək uzun illərdir müxtəlif ölkələrdə real iş şəraitində özünü doğruldur. Müəssisədə 210, 350, 700 və 1050 atmosfer təzyiqə davam gətirən avadanlıqlar hazırlanır və bu məhsullar dərin quyular, dəniz yataqları və yüksək riskli neft-qaz əməliyyatları üçün xüsusi olaraq nəzərdə tutulur. İstehsal prosesində tətbiq olunan müasir texnologiyalar, tam dəqiqliklə aparılan hidravlik testlər və sərt keyfiyyət nəzarətindən keçən metallurgiya analizləri avadanlıqların ekstremal yüklənmələrə qarşı maksimum dayanıqlı şəkildə hazırlanmasını təmin edir. Məhz bu keyfiyyət göstəricilərinə görə zavodun məhsulları “Ümüd” və “Bulla-Dəniz” kimi Azərbaycanın strateji dəniz yataqlarında uğurla istifadə olunur və illərə dayanan etibarlılığı ilə seçilir. Eyni zamanda, zavodda istehsal edilən yüksək təzyiqə davamlı avadanlıqlar Ukrayna və Türkmənistan kimi ölkələrdə də tətbiq olunaraq beynəlxalq səviyyədə öz effektivliyini sübut etmişdir. Bu uğurlu istifadə təcrübəsi zavodun yüksək standartlara cavab verən, təhlükəsizliyi təmin edən və ağır şəraitdə uzunmüddətli istismara yararlı məhsullar istehsal etmək bacarığını təsdiqləyir.